Abstract
ଗୋଟିଏ ଅଣ୍ଡିରା ଦନ୍ତା-ହାତୀ ବି ହୋଇପାରେ ଏକ ଉପନ୍ୟାସର ନାୟକ । ଚହଳ ପକେଇଦେଇପାରେ ସମଗ୍ର ଓଡ଼ିଶା । ବଣ୍ୟ-ପଶୁ ହେଲେ ବି ହତ୍ୟାକରୀ ଭାବେ ଯାହା ବିରୁଦ୍ଧରେ ଚାଲେ ମକଦ୍ଦମା । ସେହିଭଳି ଏକ ପର୍ଯ୍ୟାବରଣଭିତ୍ତିକ ଉପନ୍ୟାସ ହେଉଛି ଔପନ୍ୟାସିକ ରାଧାମୋହନ ମହାପାତ୍ରଙ୍କ ‘ମିଷ୍ଟର ଖେରସେଲ୍'( 2012)। ରାଧାମୋହନ ମହାପାତ୍ରଙ୍କୁ ଓଡ଼ିଶାର ଜିମ୍ କରବେଟ୍ ବୋଲି ଅଭିହିତ କରାଯାଇପାରେ । ଯିଏ ଓଡିଶାର ନିସର୍ଗ ଆରଣ୍ୟକୁ ଏଵଂ ବଣ୍ୟ-ପ୍ରାଣୀଙ୍କୁ ରୂପ ଦେଇଛନ୍ତି ତାଙ୍କର ସୃଷ୍ଟି ଭିତରେ । ସମ୍ପ୍ରତି ଲୋକଙ୍କ ଭିତରେ ‘ପରିବେଶ'(Nature) ଓ ‘ପର୍ଯ୍ୟାବରଣ’ (Environment)ନେଇ ଦେଖାଦେଇଥିବା ସଚେତନତା ସାହିତ୍ୟରେ ମଧ୍ୟ ଏକ ବଳିଷ୍ଠ ଦିଗ ଭାବେ ଉନ୍ମୋଚିତ ହୋଇଛି । ସେହିଭଳି ଏକ ଉପନ୍ୟାସକୁ ନବ-ପର୍ଯ୍ୟାବରଣ ଅନୁଶୀଳନ ଭିତ୍ତିରେ ଅଵଲୋକନ କରିହେବ ଏ ଆଲୋଚନାରେ ।