Abstract
ଆଦିବାସୀମାନେ ସାମ୍ପ୍ରତିକ ସମାଜରେ ଜୀବନ ନିର୍ବାହ କରିବା ପାଇଁ ବିଭିନ୍ନ ସମସ୍ୟା ସହ ସଂଘର୍ଷ କରୁଛନ୍ତି I କେତେବେଳେ ଦାଦନ ତ କେତେବେଳେ ବିସ୍ଥାପନ ଆଉ କେତେବେଳେ ସନ୍ତ୍ରାସବାଦ ତ କେତେବେଳେ ଉପନିବେଶବାଦର ବାହୁଛାୟା ତଳେ ରହି ଶୋଷଣ କଷଣ ଆଉ ଅତ୍ୟାଚାରିତ ହୋଇଛି l ଏହି ସବୁ ସମସ୍ୟାକୁ ଭିତ୍ତିକରି ସାହିତ୍ୟିକମାନେ ସାହିତ୍ୟ ରଚନା କରିବାରେ ସିଦ୍ଧହସ୍ତ l ବିଶେଷତଃ ଓଡ଼ିଆ ନାଟକ ସାହିତ୍ୟରେ ଆଦିବାସୀ ମାନଙ୍କର ବହୁବିଧ ସମସ୍ୟା ଦେଖାଇବା ସହ ତାହାର ସମାଧାନର ଦିଗ ମଧ୍ୟ ଦର୍ଶାଇଛନ୍ତି l ସେହିପରି ଏକ ବଳିଷ୍ଠ ନାଟକ ନାଟ୍ୟକାର ବିଜୟ କୁମାର ଶତପଥୀ ଙ୍କ ‘କୋକୁଆ’ l ଏହି ନାଟକରେ ମହାଭାରତର କୋକୁଆ ମିଥ୍ କୁ ଉପଜୀବ୍ୟ କରି ନାଟ୍ୟକାର ସାମ୍ପ୍ରତିକ ଆଦିବାସୀ ମାନଙ୍କର ବିସ୍ଥାପନ ଓ ସନ୍ତ୍ରାସବାଦ ସମସ୍ୟାର ସମୀକରଣ କରିଛନ୍ତି l ବିସ୍ଥାପନ ଜ୍ଵାଳାରେ ସମ୍ମୁଖୀନ ହୋଇ ଆଦିବାସୀ ତାହାର ଜଳ, ଜଙ୍ଗଲ ଓ ଜମି ହରାଇ କିପରି ସର୍ବହରା ପାଲଟି ସନ୍ତ୍ରାସବାଦର ପୋଷାକ ପିନ୍ଧିବାକୁ ବାଧ୍ୟ ହୋଇଛି ତାହାର ସମୀକରଣ କରାଯାଇଛି ଉକ୍ତ ନାଟକରେ l ବାସ୍ତବରେ ନାଟ୍ୟକାର ସାମ୍ପ୍ରତିକ ସମସ୍ୟା ପରିପ୍ରେକ୍ଷୀରେ ମିଥ୍ ର ନବାୟନ କରିବାକୁ ପ୍ରୟାସ କରିଛନ୍ତି l ସରଳ, ନିରୀହ, ନିଷ୍ପାପ ଓ ସ୍ବାଭିମାନୀ ଆଦିବାସୀ ସମାଜର ଏହି ସବୁ କଳୁଷମୟ ଅଧ୍ୟାୟକୁ ଉନ୍ମୋଚନ କରି ଏକ ସଚେତନତାର ବାର୍ତ୍ତା ପ୍ରଦାନ କରି ସେମାନଙ୍କୁ ସମାଜର ମୁଖ୍ୟ ସ୍ରୋତ ସହ ଯୋଡ଼ିବାକୁ ପ୍ରୟାସ କରିଛନ୍ତି ନାଟ୍ୟକାର ଶତପଥୀ l